حكاية الفلاح والسلطان

كان يا مكان وما يحلى الكلام الا بذكر النبى عليه الصلاة والسلام

حكاية الفلاح والسلطان حكاية جميلة هيستفيد منها ابنك

كان فبه فلاح كل سنة  يشق الارض يحرثه ويرمى الارض حب ويروح البير يملا الجردل الخشب ويسقى الارض ماء 

والحب يطلع قمح يطحن وياكل ويبيع ويشترى ويعيش فى سنة من السنين شق الفلاح الارض ورمى الفلاح الحب وراح الفلاح 

البير بس ملقاش فى البير مياة البير مفهوش مياةالفلاح زعلان يعنى لا الحب هشيرب ولا هيطلح لا قمح ولا ذرة والفلاح محتاج فلوس يبيع ويشترى ويصرف على اولاده الفلاح قال 

انا هفكر فى حد يساعدنى يكون طيب وفى قلبه رحمة 

الفلاح قال انا هروح عند التاجر خبط على الباب محدش رد اصل التاجر راح لكبير التاجر يطلب مساعدة 

الفلاح قال اذا كان التاجر راح يطلب المساعدة من كبير التجارطيب انا هروح لكبير التجار هو اغنى من التاجر 

الفلاح خبط محدش رد اصل كبير التجار راح عند الوزير يطلب مساعدة 

الفلاح يفكر ويقول لما كبير التجار بيطلب المساعدة من الوزير اكيد الوزير اغنى انا هروح للوزير 

الفلاح راح للوزير خبط على الباب محدش رد اصل الوزير راح عند السلطان يطلب منه مساعدة 

الفلاح قال انا هروح للسلطان اكيد السلطان اكبر من الوزير يمكن السلطان يساعدنى  

الفلاح راح للسلطان خبط على الباب فتحولو الباب اصل  السلطان على سجادة الصلاة بيصلى ويدعى ويطلب من ربنا يساعده

شاف الفلاح كده قال سبحان الله الفلاح بيطلب من التاجر والتاجر بيطلب من كبير التجار وكبير التجار بيطلب من الوزير والوزير 

بيطلب من السلطان والسلطان بيطلب من ربنا ربنا اغنى من كل الناس واحن من كل الناس خلص السلطان صلاة وقال للفلاح 

اطلب اللى تطلبومنى ضحك الفلاح وقال انا مش هطلب منك انا هطلب من اللى اغنى وارحم اطلب من ربنا رفع الفلاح اديه للسماء 

وقال يارب ساعدنى شقيت الارض ورميت الحب ورحت البير ملقتش مياه عملت كل اللى عليه والباقى عليك يارب قال الفلاح كده 

وراح على الغيط البرق برق والسحاب اتلم والمطر نزل زى النهر والحب طرح قمح يطحن الفلاح وياكل ويعيش هو واولاده 

توته توته خلصت الحدوته

شـــاهـــد أيـــضـــا

صغيري: حكاية الفلاح والسلطان
Created by Unknown
Rating Blog 4 dari 5

Share on :

Tweet